اسكندرية :الثوره والدين والرغيف
وشعب نايم ع الرصيف
وف إنتظار يجى الوصيف
يجى الرئيس
مصر مش لابسه عروسه
والحلو مش لابس عريس
عتريس خلاص ...
ضل الطريق لفؤاد فؤاده
باطله الجوازه
مالكمش عازه
وما تساويش...
ما تساويش يا ضحكه طله من شبابيك الديابه
قلبى لما يحب يضحك
مش هيضحك إلا ومعاه الغلابه
الغلابه...
إللى قبل الثوره هانوا
وإللى بعد الثوره هانوا
وإللى حتى لما ماتوا
كانو فى موتهم غلابه
المواطن إللى عايش جوا دوله
نفسه بس يحس إنه ....
غير إللى كان عايش فى غابه
بنعلن موتنا بيكوا إكمن
كل الساده فوق السن
كل الساده فى الماضى
ما بين طرطور وبين راضى
ودلوقت الطريق فاضى
ومين راح يملى كرسى العرش
ومين فى الساده دول مضمون
وخاين أمس بكره يخون
نهون مره نهون مليون
ما كان منكم جليس فرعون
وكان بينكم خسيس ملعون
وكان فيكم بتاع بونبون
ودلوقتى بقيتوا خلاص
أجدع حتى من شمشون
ومين مجنون يصدقكم
وخاين أمس بكره يخون؟!!
أنا مسجون وقلبى غريق
وروحت البحر كان حلمى
يدوبك بس بلة ريق
لقيت اللجنه مش لجنه
وشوفت السحنه والمحنه
شعب بحاله مترشح
وأنا المستنى لأجل أختار
أنا لوحدى إللى ما أترشحت
وأنا فى الأصل
واد نورى ومتثقف ومتعلم
وباتكلم بلغة القريه والبندر
أقول الچيم واؤول الجيم
وبتغلبن وبتغندر
وبتواضع وبتكبر
سياسى يعنى من يومى
وكان حلمى فى زمن الجهل والخسران
أكون ريس
أو أترشح قصاد السيد المخلوع
لكن دلوقت أموت م الجوع
وما أترشحش
لأن العبره م الدساتير
يا تفهمها يا تصبح جحش
وما... تسألش
أنا قاصد أهزأ مين
لأن العبره مين ياخد كلامى عليه
ويلعن فيا ويقولك دا واد شاعر
ما أنا فى الأصل واد شاعر
وزادى هما كام كلمه
بأقولهم بس م الأخر
وم الأخر
هتنصر مصر هتشيلك على راسها
هتنصر نفس اماره وشيطان جواك
يا ويلك من غضب ناسها
غلابة مصر فى وقت العٌسر
بيبقوا هما حراسها
وشعب نايم ع الرصيف
وف إنتظار يجى الوصيف
يجى الرئيس
مصر مش لابسه عروسه
والحلو مش لابس عريس
عتريس خلاص ...
ضل الطريق لفؤاد فؤاده
باطله الجوازه
مالكمش عازه
وما تساويش...
ما تساويش يا ضحكه طله من شبابيك الديابه
قلبى لما يحب يضحك
مش هيضحك إلا ومعاه الغلابه
الغلابه...
إللى قبل الثوره هانوا
وإللى بعد الثوره هانوا
وإللى حتى لما ماتوا
كانو فى موتهم غلابه
المواطن إللى عايش جوا دوله
نفسه بس يحس إنه ....
غير إللى كان عايش فى غابه
بنعلن موتنا بيكوا إكمن
كل الساده فوق السن
كل الساده فى الماضى
ما بين طرطور وبين راضى
ودلوقت الطريق فاضى
ومين راح يملى كرسى العرش
ومين فى الساده دول مضمون
وخاين أمس بكره يخون
نهون مره نهون مليون
ما كان منكم جليس فرعون
وكان بينكم خسيس ملعون
وكان فيكم بتاع بونبون
ودلوقتى بقيتوا خلاص
أجدع حتى من شمشون
ومين مجنون يصدقكم
وخاين أمس بكره يخون؟!!
أنا مسجون وقلبى غريق
وروحت البحر كان حلمى
يدوبك بس بلة ريق
لقيت اللجنه مش لجنه
وشوفت السحنه والمحنه
شعب بحاله مترشح
وأنا المستنى لأجل أختار
أنا لوحدى إللى ما أترشحت
وأنا فى الأصل
واد نورى ومتثقف ومتعلم
وباتكلم بلغة القريه والبندر
أقول الچيم واؤول الجيم
وبتغلبن وبتغندر
وبتواضع وبتكبر
سياسى يعنى من يومى
وكان حلمى فى زمن الجهل والخسران
أكون ريس
أو أترشح قصاد السيد المخلوع
لكن دلوقت أموت م الجوع
وما أترشحش
لأن العبره م الدساتير
يا تفهمها يا تصبح جحش
وما... تسألش
أنا قاصد أهزأ مين
لأن العبره مين ياخد كلامى عليه
ويلعن فيا ويقولك دا واد شاعر
ما أنا فى الأصل واد شاعر
وزادى هما كام كلمه
بأقولهم بس م الأخر
وم الأخر
هتنصر مصر هتشيلك على راسها
هتنصر نفس اماره وشيطان جواك
يا ويلك من غضب ناسها
غلابة مصر فى وقت العٌسر
بيبقوا هما حراسها
