يحكي أن رجل شاطر و عنده عشر أبناء من البنين والبنات.
كان راجل غني وعنده فلوس كتير وشركات كتير وكتير وفلوس في البورصةكمان.
وكان في حاكم ظالم عنده ولدين بيقولوا عليهم سارقين البلد ويشتروا أرض هنا وهناك و شركة هنا وهناك و ياخدوا عمولات هنا وهناك. الحاكم الوحش ده حبسه و ظلمه كتير.
وكل ما يخرج من السجن يدخل تاني .
و بعدين جه يوم للحاكم الظالم و أختفي هو و أولاده الأثنين.
وجه ناس وقالوا لازم يحاكموا الظالم وأولاده علشان سرقوا البلد.
وبعدين يا حلوين.....
الناس اللي قالوا هنحاكم الظالم علشان سرق و أولاده وحشين وسرقوا و نهبوا البلد علشان كانوا رجال أعمال و بيتربحوا من مناصبهم لأنهم ولاد الرئيس.
قالوا أحنا ندور علي حاكم يكون كويس و شاطر و تكون دعوته مستجابة و الأهم يكون رجل أعمال علشان ينغنغ البلد .
فقالوا نجيبوا الراجل اللي أتحبس و أتظلم أكيد هيبقي كويس ماهو يا ما أتظلم.
و فعلا بقي رئيس ......
و أولاده و بناته كتير بقوا كلهم أولاد الرئيس.
و فلوسه قال أنا مش هاجي جنبها حد الله بيني و بينها و راح متبرع بفلوسه كلها للغلابة.
و شركاته اللي في البورصة سابها.
و محلاته و توكيلاته الكتير قفلها.
أولاده و بناته زعلوا وقالولوا يا بابا هنصرف منين؟؟؟إحنا بقينا علي الحديدة.
قالهم ما تزعلوش أنتوا ولاد الرئيس.......!!!!
و بعد مرور أيام و شهور.
يجي أبنه و بنته عايزين ياكلوا و هو يا عيني غلبان و مطحون شغل علشان يصلح اللي الظالم عمله.
قالهم روحوا أشتغلوا زيكم زي باقي الناس.
ففكر الأولاد و البنين أزاي يبقوا غنيين.
اللي قال هفتح شركة , واللي قال هدخل البورصة , و اللي قال هفتح محل , وغيره وغيره.....
بس أزاي معنهومش فلوس.
واحد قال ناخد قرض .
راح البنك قالوله دا أنت أبن الرئيس خد الفلوس.
التاني قال أستلف.
راح لصاحبه قاله دا أنت أبن الرئيس خ الفلوس.
الثالث قال أنا هفتح شركة.
راح وخد التصاريح بسهولة جدا أصله أبن الرئيس.
و الرابع قال أنا هاخد أرض.
راح وقدم في القرعة زي الناس الغلابة وفاز ما هو أبن الرئيس.
و الخامس قال أنا هدخل البورصة.
و سبحان الله يكسب وفلوسه و أسهمه تزيد وتعلي علي الرغم من أنه أبن الرئيس!!!!!!!!
الخمسة التانين قالوا و أحنا نشتغل ليه أحنا نبقي أذكي من كده أحسن يقولوا أن إحنا ولاد الرئيس.
و بالفعل قرروا يشاركوا الناس في محلاتهم وشركاتهم.
وكسبوا و أتغنوا و الشعب زيه زيهم ما هو الشعب كله ولاد الرئيس.
و بعد مرور الزمن الولدين الوحشين بقوا عشرة و بدل ما أتنين سرقوا البلد قالوا ما هو العشرة بردوا سرقوا البلد.
و أتحبس الحاكم الشاطر و معاه أولاده و بناته العشرة .....
قال أيه كانوا بيتربحوا من مناصبهم و قتلوا المتظاهرين اللي قاموا ضد الشاطر.
طاب أزاي ؟؟؟
دا كان حاكم عادل وشاطر و أتظلم و ذاق المر.
قالولهم ما هو دا سلو بلدنا.
و الحدق يفهم...
